Ellan Vannin

    Tra ta'n laa souree ec jerrey
    As imneaghyn lhie ersooyl
    mish my hoie fo ny rollageyn,
    slane my lomarcan as skee
    Eisht ta girree gollrish ashlish,
    Loandyr gial as dooghyssagh
    she oo hene o Ellan Vannin,
    Lesh croink glassey rish y cheayn.

    Ta mee clashtyn tharmane tonnyn
    Myr t'ad nish paagey yn traie ;
    As heese dowin fo'n ushtey geayney
    Kiaulleeagh foast ta'n ven-varrey ;
    As ta'n Ellan soilshean aalin
    Myr ve ayns my aegid hene ;
    My heer deyr, shenn Ellan Vannin
    Lesh croink glassey rish y cheayn.

    Nish ta smooinaght millish meiyghagh
    Cheet myr kiaulleeaght gys my chree ;
    Jeh ny cree'ghyn va ayns Mannin
    Foddey roie hug graih da mee ;
    Ta mee coyrt lesh jeir as bannaght
    Nish my smooinaght share dhyt hene ;
    My heer deyr, shenn Ellan Vannin,
    Lesh croink glassey rish y cheayn.